“ သည်းခံခြင်းနှင့် အောင်မြင်ခြင်း ”

ဤလောက၌ ဆန်းကြယ်များပြားလှသော အာရုံတို့သည်လည်းကောင်း၊ ရာဂနှင့်စပ်သော တင့်တယ်ဖွယ်ရာသည့် ကာမ၀ိတက်တို့သည်လည်းကောင်း၊ ထွေးလုံးရစ်ပတ် အချင်းချင်း ဆက်စပ်၍ နေကြလေ၏။ နွေဥတု၏ နောက်ဆုံးလ၌လေကြောင့် တက်ကြွလာသော မြူ၊ ဖုန်တို့ကို မိုးကြီးသည် ရွာသွန်းနှိမ်နှင်းပစ်လိုက်နိုင်သကဲ့သို့ အရိယာသူတော်ကောင်းသည် ထိုထိုဆန်းကြယ်သော ကာမ၀ိတက်အာရုံတို့ကို ပညာဖြင့် ဟုတ်တိုင်းမှန်စွာ ရှုမြင်ခြင်းဖြင့် မိစ္ဆာဝိတက်တို့သည်ငြိမ်းကုန်၏။

          ရာဂတည်းဟူသော ကျော့ကွင်းသည်လည်းကောင်း၊ မြဲမြံခိုင်ခံ့သော ငြှောင့်တံသင်းငါးမျိုးတို့သည်လည်းကောင်း၊ ဖောက်ခွဲနိုင်ခဲလှသည့်တောင်နှင့်တူသော အ၀ိဇ္ဇာသည်လည်းကောင်း ရှိပေ၏။ အကြင်ပုဂ္ဂိုလ်သည် စိတ်၏ ငြှောင့်တံသင်းငါးမျိုး၊ ရာဂကျော့ကွင်း၊ အ၀ိဇ္ဇာတောင်တို့ကို ဖောက်ခွဲဖြိုဖျက်လျှက် ဈာန်ဝင်စားကာ သြဃလေးပါးကိုကူးမြောက်၏။ နိဗ္ဗာန်တည်းဟူသော ကမ်းတစ်ဘက်ဆီသို့ရောက်လေ၏။ ထိုပုဂ္ဂိုလ်သည် မာရ်မင်း၏ အနှောင်အဖွဲ့မှ လွတ်မြောက်လေတော့၏။

          လျှပ်ပေါ်လော်လီသော ပုဂ္ဂိုလ်သည် ယုတ်ညံ့သောအဆွေခင်ပွန်းတို့ကို အမှီပြု၍ သံသရာတည်းဟူသော ကြီးစွာသော ရေအလျဉ်၌ အမျက်ထွက်ခြင်းစသော လှိုင်းတံပိုးတို့လွှမ်းမိုး ဖိစီးခံရလျှက် နစ်မြုပ်ရ၏။ လျှပ်ပေါ်လော်လီခြင်းမရှိသော မိမိ သူတစ်ပါးအကျိုးစီးပွား၌ လိမ္မာသောဣနြေ္ဒတို့ကို စောင့်စည်းထားသော အဆွေခင်ပွန်းကောင်းရှိသော ပညာရှိပုဂ္ဂိုလ်သည် ဆင်းရဲ၏အဆုံးကို ပြုနိုင်လေ၏။

          ဆင်ပြောင်ကြီးသည် စစ်မြေပြင်၌ ထိခိုက်ပုတ်ခတ်ခြင်းကို သည်းခံလျက် တစ်ဘက်မှ ရန်သူတို့ကို ဖျက်ဆီးလေသကဲ့သို့ အကြင်ရဟန်းသည် ဆိတ်ငြိမ်ရာ တောအရပ်၌ သတိနှင့် ပြည့်စုံသည်ဖြစ်၍ ခြင်၊ မှက်၊ ကင်း၊ သန်း တို့တွေ့ထိကိုက်ခဲမှုကို သည်းခံလျှက် ကိလေသာမာရ်စစ်သည်တို့ကို ဖျက်ဆီးရာ၏။

(အရှင်ကောဏ္ဍညမထေရ် - သောဠသကနိပါတ် - ၁)

မေတ္တာရှင်(ရွှေပြည်သာ) - လူငယ်များအတွက် ဂမ္ဘီရ ၀ိပဿနာ - ၈၊ စာမျက်နှာ ၆၆ - ၆၇ မှထုတ်နှုတ်ဖော်ပြပါသည်။